शिव मानस पूजा स्तोत्र
Starzspeak : 
शिव मानस पूजा स्तोत्र (हिंदी पाठ) रत्नैः कल्पितमासनं हिमजलैः स्नानं च दिव्याम्बरं। नाना रत्न विभूषितम् मृग मदामोदांकितम् चंदनम॥ जाती चम्पक बिल्वपत्र रचितं पुष्पं च धूपं तथा। दीपं देव दयानिधे पशुपते हृत्कल्पितम् गृह्यताम्॥ १॥
शिव मानस पूजा स्तोत्र (हिंदी पाठ)
रत्नैः कल्पितमासनं हिमजलैः स्नानं च दिव्याम्बरं।
नाना रत्न विभूषितम् मृग मदामोदांकितम् चंदनम॥
जाती चम्पक बिल्वपत्र रचितं पुष्पं च धूपं तथा।
दीपं देव दयानिधे पशुपते हृत्कल्पितम् गृह्यताम्॥ १॥
सौवर्णे नवरत्न खंडरचिते पात्र धृतं पायसं।
भक्ष्मं पंचविधं पयोदधि युतं रम्भाफलं पानकम्॥
शाका नाम युतं जलं रुचिकरं कर्पूर खण्डोज्ज्वलं।
ताम्बूलं मनसा मया विरचितं भक्त्या प्रभु स्वीकुरु॥ २॥
छत्रं चामरयो युगम्व्यजनकं चादर्शंक निर्मलं।
वीणा भेरी मृदंग काहल कला गीतं च नृत्यं तथा॥
साष्टांगं प्रणतिः स्तुतिर्बहुविधा एतत्समस्तं मया।
सङ्कल्पेन समर्पितं तव विभो पूजां गृहाण प्रभो॥ ३॥
आत्मा त्वं गिरिजा मतिः सहचराः प्राणाः शरीरं गृहं।
पूजा ते विषयोपभोगरचना निद्रा समाधिस्थितिः॥
संचारः पदयोः प्रदक्षिणविधिः स्तोत्राणि सर्वा गिरो।
यद्यत्कर्म करोमि तदखिलं शंभोराधनम् ॥ ४॥
करचरणकृतं वाक्कायजं कर्मजं वा।
श्रवणनयनजं वा मानसंवा अपराधम्॥
विहितमविहितं वा सर्वमेतत्क्षमस्व।
जय जय करुणाब्धे श्रीमहादेव शंभो॥ ५॥
