॥ विनियोगः ॥ ॐ अस्य श्रीबटुकभैरवकवचस्तोत्रमन्त्रस्य भैरव ऋषिः, अनुष्टुप् छन्दः, श्रीबटुकभैरवो देवता, मम सकलारिष्टनिवारणार्थे सर्वशत्रुक्षयार्थे सर्वकार्यसिद्ध्यर्थे च पाठे विनियोगः ॥

॥ श्री बटुक भैरव कवचम् ॥

॥ विनियोगः ॥

ॐ अस्य श्रीबटुकभैरवकवचस्तोत्रमन्त्रस्य भैरव ऋषिः,

अनुष्टुप् छन्दः, श्रीबटुकभैरवो देवता,

मम सकलारिष्टनिवारणार्थे सर्वशत्रुक्षयार्थे

सर्वकार्यसिद्ध्यर्थे च पाठे विनियोगः ॥

॥ ध्यानम् ॥

ध्यायेन्नीलाद्रिकान्तिं शशिशकलधरं मुण्डमालं महेशं

दिग्वस्त्रं पिङ्गकेशं डमरुमथ सृणिं खड्गशूलाभयानि ।

नागं घण्टां कपालं करसरसिरुहैर्धारयन्तं त्रिनेत्रं

भ्राम्यन्तं घोरहासं बटुकमनुभजे कालकालं प्रसन्नम् ॥

॥ अथ कवचम् ॥

ॐ बटुको मे शिरः पातु ललाटं पातु भैरवः ।

नेत्रे पातु विरूपाक्षः श्रुती पातु सुरारिहा ॥ १ ॥

घ्राणं पातु विशालाक्षो मुखं पातु सुराग्रणीः ।

जिह्वां पातु सुराराध्यो दन्तान् पातु महेश्वरः ॥ २ ॥

कण्ठं पातु घनग्रीवः स्कन्धौ पातु सुरेश्वरः ।

बाहू पातु महातेजा हस्तौ पातु कपालभृत् ॥ ३ ॥

हृदयं पातु भूतेशः स्तनौ पातु महोदरः ।

उदरं पातु विश्वेशो नाभिं पातु जगत्पतिः ॥ ४ ॥

कटिं पातु महाकालो गुह्यं पातु दिगम्बरः ।

ऊरू पातु गदापाणिर्जानुनी पातु भीषणः ॥ ५ ॥

जङ्घे पातु महावीरो गुल्फौ पातु सुरारिहा ।

पादौ पातु महातेजाः सर्वाङ्गं पातु शङ्करः ॥ ६ ॥

प्राच्यां पातु महाकालो वह्नौ पातु शिखिध्वजः ।

याम्ये पातु यमप्रक्ष्यो नैर्ऋत्यां पातु रक्षराट् ॥ ७ ॥

प्रतीच्यां वरुणः पातु वायव्यां पवनात्मकः ।

उदीच्यां पातु कौबेर ऐशान्यां पातु शूलभृत् ॥ ८ ॥

ऊर्ध्वं पातु विरूपाक्षो ह्यधस्तात् पातु भूतपः ।

दिक्षु पातु महाभीमः सन्धिषु पातु भैरवः ॥ ९ ॥

॥ फलश्रुति ॥

इदं तु कवचं पुण्यं सर्वशत्रुविनाशनम् ।

सर्वपापप्रशमनं सर्वरोगनिवारणम् ॥ १० ॥

त्रिसन्ध्यमेकसन्ध्यं वा यः पठेच्छ्रद्धयान्वितः ।

सर्वान् कामानवाप्नोति भैरवस्य प्रसादतः ॥ ११ ॥

भूतप्रेतपिशाचाद्या डाकिन्यो राक्षसास्तथा ।

पलायन्ते दिशो भीताः कवचस्य प्रभावतः ॥ १२ ॥

॥ इति श्रीरुद्रयामले तन्त्रे श्रीबटुकभैरवकवचं सम्पूर्णम् ॥